LAOAG CITY – Natay ti maysa a Pilipino a hotel worker kalpasan a nagbekkel iti maysa a parke ti North Kuna idiay Big Island, Hawaii.
Nabigbig daytoy a ni Dondon Lopez, agtawen ti 38, ken agnanaed iti nasao a lugar, ken mapapati a tubo idiay Ilocos Sur wenno La Union.
Naamoan a ti Lopez ket nadiskubre a nakabitin iti puun ti kayo nga adda iti igid ti baybay.
Basar ti report ni Bombo International Correspondent Manny Pascua idiay Hawaii, sakbay a narekobre ti nakabitin a biktima ket nagkiddaw ti tulong ti pamilya na tapno mabirukan daytoy babaen ti social media.
Segun kenni Pascua, agpapan maisursurat ti damag ket nagatalinaed a burburtiya no anya ti rason ti nagpakamatayan ti nasao a biktima.
