LAOAG CITY – Natiliw ti maysa a Pilipino babaen kadagiti kameng ti Hawaii Police Department gapo iti pannakipartisipar na iti panagpapallot idiay Big Island.
Nabigbig daytoy a ni Layl Martinez Salcedo, agtawen ti 30, agnanaed idiay Mililani, Honolulu.
Basa iti report ni Bombo International Correspondent Manny Pascua idiay Hawaii, nakumpiskar dagiti otoridad dagiti dua a nasugatan a manok ken walo ribo a dolyar.
Gapo iti daytoy, napilaan ni Salcedo ti dua a bilang ti kaso nga animal cruelty ngem nawaya-wayaan met laeng.
Naamoan nga agtultuloy latta nga isaysayangkat dagiti Pilipino ti panagpallot iti kabakiran ken sirok ti kayo uray naiget nga iparparit iti nasao a lugar.
Innayon ni Pascua nga addan dagiti sabali a puli a maim-impluwensyaan iti panagpapallot.
