LAOAG CITY – Maad-adal ti pannaka-ikkat ti maysa a plantilla position a City Government Department Head I iti Laoag City General Hospital (LCGH).
Daytoy ket gapo ta naduktalan nga arig na dua ti mangidadaulo ti nasao nga ospital no sadinno ket adda daytoy a posisyon ken ti Chief of Hospital II.
Naamoan a dagiti dua a nadakamat a position ket agpada pay iti Salary Grade na.
Nupay kasta, mabukel to ti baro a plantilla position a Chief of Hospital I nga addaan ti Salary Grade na a 24 wenno nasurok 80 a ribo a pisos a sweldo.
Ti met kwalipikasyon ti agbalin a Chief of Hospital I ket masapol a Doctor of Medicine ken adda ti dua a tawen nga experience na.
Agtalinaed met ti Chief of Hospital II nga addaan ti Salary Grade 25 wenno umabot iti 100 a ribo a pisos ti swledo na iti kada bulan.
Kabayatanna, manamnama met nga agatendar iti sesyon ti Sang. Panlungsod ti Chief of Hospital II para iti sumagmamano a saludsod.
