LAOAG CITY – Inbatad ni Mr. Teddy Pasion nga awan ti ammo na a rason no apay a dinanug ni Chief tanud Eric Manuel iti Barangay Caoacan ditoy ciudad ti Laoag.
Inlawlawag na nga immuna a nagsasango da nga imminom iti minatayan ken idi maipagarop a kellaat lattan a dinanug ti chief tanud.
Inadmitir na nga adda ti dati a susik da iti chief tanud ngem nabayagen gapu ta 2017 pay laeng idi napasamak daytoy.
Nupay kasta, saanen nga inbuksilan ni Pasion no ania ti nagririan da ken ni Manuel iti dayta a gundaway no sadinno a ginandat idi ti chief tanud a danugen ngem saanna a nadangran gapu ta adda ti naganawa.
Kuna na a saannan nga indanun ti napasamak ken ni Barangay Chairman Adel Boy Quinto gapu ta saanna a kayat ti riri kangrunaan na ket kabsat na ti chief tanud iti barangay da.
Innayon na a malaksid kenkuanan ket maipagarop nga adda pay ti sabsabali a nadangran ti chief tanud iti kallabes.
Immunan a nagturong ti news team ti Bombo Radyo Laoag ken ni Kapitan Quinto ngem nagkedked a nagpainterview gapu ta ado ti pakakumikuman da nga opisyal ti barangay, ken saanna met a naibaga no sadinno ti ayan ti kabsat na a chief tanud, no sadinno nga uray koma laeng ti contact number ti kabsat na ket maipagarop a saanna nga ammo.
