LAOAG CITY – Balligi a naarestar ti maysa a tricycle driver nga agtawen ti 49, ken residente iti Barangay Tabucbuc iti ili ti Marcos.
Naarestar daytoy iti babaen ti panangi-implementar dagiti kameng ti Ilocos Norte Philippine National Police.
Ti akusado ket naarestar babaen ti bileg ti warrant of arrest a napetsaan ti Pebrero 5, 2024 nga inyatnag ni Hon. Judge Johnson Valin Padre iti Regional Trial Court Branch 13, Laoag City, Ilocos Norte nga addan ti criminal case number 20385-13 wenno violatin of article V, Section 28 ti Republic Act No. 10591 wenno ti panagikot ti ilegal a paltog.
Narekomendaran ti akusado piyensa a Php 120, 000.00 para iti temporaryo a pannakawaya-waya na.
Kabayatanna, ti akusado ket adda iti kustodiar ti Ilocos Norte Philippine National Police, partikular iti Ilocos Norte Mobile Force Company ken manamnama a maidatag iti korte a naggapuan ti warrant of arrest.
