LAOAG CITY – Maysa a tricycle driver ti maipagarup a pinangtaan ti Brgy. Chairman iti Brgy. 60-B, Madiladig ditoy ciudad ti Laoag.
Nabigbig ti biktima a ni Romel Manuel Luis, agtawen ti 29, naasawaan idinto a ti suspek ket ni Brgy. Chairman Pedro Manuel Jr., agpada a residente iti nasao a barangay.
Basar iti imbestigasyon ti PNP-Laoag, adda napasamak a komosyon iti nagbaetan da Romel Luis ken Wilson Salvador ken residente met laeng iti nadakamat a lugar.
Kalpasan iti sumagmamano a minutos ket nagresponde da Manuel kadwa dagiti sumagmamano a tanod iti pagtaengan ni Luis ngem nagpidot daytoy ti bato ken ginandat na a danugen ti biktima ken nagibbat daytoy ti pangta a “Bigat to lang no agmaymaysa ka tiraen ka.”
Naamoan a nakita pay a nakaiggem ti balisong ti suspek iti asideg ti pagtaengan ti biktima kalpasan iti nasao nga insidente.
Naammoan nga agkabagyan dagiti biktima ken suspek.
