Nangiwayat ti naisangsangayan a ritual nga agkiddaw ti tudo ti maysa a village idiay Thailand.
Iti sentral a probinsia ti Nakhon Sawan, indaton dagiti residente ti Japanse manga character a ni Doraemon tapno malabanan ti tikag a mapaspasaran ti pagilian da.
Bayat a nakapupok iti kulungan a bassit ti stuffed toy a Doreamon ket naiparada daytoy iti intero a village a pakairamanan dagiti residente a nakasuot kadagiti nasilap a kawes.
Napagammoan nga old dry season ritual daytoy a maawagan iti “Hae Nang Meaw,” a masapul nga agparada iti babai a pusa.
Kabayatanna, kaaduan nga residente idiay Thailand ti saanen nga agus-usar kadagiti pudno a pusa gapu ta dagiti laeng stuffed animal ti itukonda iti ritual kas iti Doraemon ken Hello Kitty.
