LAOAG CITY – Nagpatulong ti maysa nga ama iti PNP-Banna kalpasan a saan da pay a napasangpet ti anak na a balasitang, addan uppat nga aldaw ti napalabas.
Segun ken ni Mr. Christopher Agliday a taga Barangay Catagcatagen iti ili a Banna, aldaw iti enero 3 idi naudi a nagpakada ti anak na a ni Kristel Mae Agliday, agtawen iti 16, Grade 10 student iti Banna Academic Incorporated a mapan iti pagadalan.
Nupay kasta, kuna na a sipud idin ket saanen a simmangpet ti anak na ken saan dan a matawagan ti cellphone number na.
Inbatad ti ama nga Agliday a ti bado ti anak na idi nagpakada a mapan ti pagadalan ket T-shirt a maroon ken nakapantalon, ken daytoy ket agtayag iti 5’2”.
Immapela ni Mr. Agliday kadagiti siasinno man a nagdagdagusan ti anak na a pagawiden da koman daytoy gapu ta madanagan da unayen.
