LAOAG CITY Natakawan ti maysa a pagtaengan idiay ciudad ti Batac.
Binigbig ni P/C/insp. Rodelio Santos, Hepe ti Pulisya ti nasao a ciudad ti biktima a ni Estrella Camalig, agtawen ti 63, naasawaan, day care worker ken residente iti Bgy. 17 Tabug.
Segun ken ni Santos, ti laeng TV set ti biktima ti mapukpukaw a daytoy ket 32 inches ti kadakkel na bayat a nagimbestigar da.
Kunana a posible a ti simreken ti suspek ket iti maysa kadagiti tawa ti balay nga “sliding widow” babaen iti pananglikyat na ket kalpasan a nakstrek innala na ti nasao nga appliance kalpasan na ket rimmuar iti “main door”
Inlawlawag ni Santos a nagala metten dagiti kakadua kadagiti “latent prints” ti suspek.
Innayon na nga addan posible a “persons of interest” a kitkitaen da iti nasao a panagtatakaw ngem nagkedkedan na pay laeng iti mangaaidetalye iti kinasiasinno daytoy.
Mainaig iti daytoy, nagpannawagan ni santos kadagiti posible a pakailaklakuan ti nasao a TV set a saanda koma nga agam-amak a maisuplong kadakuada tapno matiliw gapu ta no gatangen da daytoy ket mabalin nga iraman da nga isaklang.
