LAOAG CITY – Naglikudan ni Architect Sonny dela Cruz iti Barangay Parut iti ili ti Vintar ti alegasyon kontra iti furniture shop na.
Daytoy ket kalpasan a naipadanon iti Bombo Radyo ti reklamo iti shop na a maipagarop nga awanan ti lisensya ken extension ti kuryente na.
Segun kenni Dela Cruz, ti shop na ket pagaramidan na laeng ti gamit a kukua dagiti kliyente na ket ti maubra laeng ti pannakariri ti hamba.
Inlawlawag na a manarimaan ti pannakaproseso ti permit na ken ti operasyon na ket saan nga agtultuloy.
Inbatad na a ti nakakonektar nga extension ket para iti silaw ken radyo idinto a ti mausar a kuryente ket agusar ti generator.
Kunana nga imbes a gumatang ti sabali ket isuna laengen ti agaramid para iti proyekto na.
