LAOAG CITY – Inrakurak ti Israel a saan nga hostage ti maysa kadagiti bangkay nga insubli ti Hamas kadakuada.
Napagnunumoan a masapul nga isubli ti Hamas ti amin nga 48 a nabatbati pay nga hostages kas paset ti first phase ti Gaza peace plan.
Nupay kasta, iti agdama ket adda laeng 20 a sibibiag nga hostages ken pito a bangkay dagiti hostages ti naisubli.
Nabigbig dagiti tallo a bangkay nga isuda Tamir Nimrodi, Eitan Levi ken Uriel Baruch.
Mainaig iti daytoy, gapu iti masansan a pannakaitantan ti pannakaisubli dagiti bangkay dagiti hostages ket nagpangta ti Israel a paigetanda ti pannakaipatulod ti tulong idiay Gaza ken pannaka-delay ti pannakalukat ti Rafah crossing.
Kabayatanna, basar kadagiti sumagmamano nga indibidual idiay Gaza nga ad-adu ti taraon sakbay ti ceasefire idinto a dagiti dadduma ket inpettengda nga awan ti danum ken kuryente a saan kas idi ceasefire idi Enero.
