LAOAG CITY – Kinumpirmaran ni Police Lt. Col. Amador Quicho, hepe ti PNP-Laoag ti pannakatiliw dagiti lima nga indibidawal nga agsusugal iti Barangay Balacad ditoy ciudad.
Binigbig na dagitoy nga isuda Nelson Agonoy, 53; Florendo Bumanglag, 72; Felinor Tolentino, 50; Rosalino Agonoy, 50; ken Juanito Agonoy, 75, ken agpapada a residente iti nasao a barangay.
Segun kenni Quicho, naaktwan nga agay-ayam dagiti natiliw ti tong-its iti irrigation canal.
Nakumpiskar kadagiti maseknan dagiti lamisaan, baraha ken agdagup ti 2,500 a pisos.
Naamoan a manipud kadagiti indibidwal a natiliw ket maysa ti karaman kadagiti nakaawat ti SAP ken ireport da daytoy iti DSWD.
Nupay kasta, kuna ti kapitan a saan na a masigurado no ti naawat dagiti maseknan nga ayuda ket isu ti nausar iti panagsugal.
Manamnama met a mapilaan ti kaso dagiti nasao a natiliw.
Mainaig iti daytoy, inadmitir ti Rosalino Agonoy nga isuna ket benepisyaryo ti SAP ngem saan a nagsugal no diket nagbuya laeng.
