LAOAG CITY – Pimmusay bayat a maaga-agasan iti Mariano Marcos Memorial Hospital and Medical Center iti ciudad ti Batac ti maysa kadagiti biktima ti pammaltog iti paset ti Bgy. Baay ti nasao a ciudad idi malem kalman.
Binigbig ni P/C/Inps. Rodelio Santos, Hepe ti Pulisya ti nasao a ciudad ti pimmusay a ni Randel Villaruz, residente iti Bgy. San Julian ti nasao a ciudad, agpapaay a clerk of court iti Branch 65 iti Marcos Hall Of Justice ditoy ciudad ti laoag.
Segun ken ni Santos saan a nakabaelan ti biktima iti limmaban iti kumpay ni patay gapu ta inpatay na ti tama ti paltog a timmama iti makinkannawan a luppo ken makinkannawan a paset ti bagi na.
Ni Villaruz ti nangiturong ti naglugan da a kotse kadua na ni Teodoro Dagupion a taga ili ti Badoc ken process server iti nasao met la a korte nga iti agdama ket maag-agasan pay laeng iti nasao nga hospital gapu iti tama na iti sango a paset ti bagi na.
Kuna ni Santos a naestabalisar dan a ti target dagiti riding in tandem criminals a mapapati nga hired killer” ket ni Dagupion.
Daytoy ket gapu iti kaadda dagiti nakairamramanan na itay a kallabes iti lugar da.
Nakikoordinar metten ti PNP-Batac iti PNP-Badoc para iti agtultuloy nga imbestigasyon nga iwaywayat da.
Nagpanawagan metten ni Santos kadagiti adda ammo na iti nasao a krimen a tumulong da iti imbestigasyon iti nasao a pasamak.
