LAOAG CITY – Kinumpirmaran ni Police Senior Inspector Chris Anthony Sorsano, ti chief of police iti Solsona, Ilocos Norte ti pannakatiliw da ti maysa a karpintero iti inyuswat da a drug buy-bust operation iti sentro ti nasao nga ili.
Binigbig na ti subject ti operasyon a ni Jackson Barangay, maysa a karpintero ken residente iti Barangay Darasdas iti ili a Solsona.
Segun ken ni Sorsano, naglako ni Barangay iti maysa a sachet a naglaon ti marijuana nga agbalor iti 500 a pisos.
Inbatad ti opisyal a ni Barangay ket maibilang nga Street Level Target (STL) ti PNP-Solsona ken dati a drug surrenderer.
Kuna na nga idi pay laeng 2015 a monmonitoren da ti illegal nga aktibidad ni Barangay.
Innayon ni Sorsano a ginandat pay ni Barangay nga ibelleng ti illegal a droga bayat iti operasyon.
