LAOAG CITY – Naitaray iti Mariano Marcos Memorial Hospital and Medical Center iti siudad ti Batac dagiti uppat a nakalugan iti nagbaliktad a kotse iti Brgy. Catuging iti ili a San Nicolas.
Iti nakalap nga impormasyon ti Bombo Radyo Laoag, kuna ti driver ti kotse nga agnagan ti Julius ket naggapu da idiay San Mateo, Rizal ken agturong da kuma idiay ili a Pagudpud.
Kuna na a kadua na ti maysa a lola, ken dua nga ubbing idi naaksidente da.
Immuna iti daytoy, bayat ti panagpaamian da ket aksidente a naidungpar da iti box culvert iti igid ti national highway iti nasao a barangay.
