LAOAG CITY – Maysa laeng ti nagpositibo ti Covid-19 test manipod kadagiti walo nga empleado ti City Disaster Risk Reduction and Management Office (CDRRMO) ditoy ciudad ti Laoag.
Daytoy ti nagbalin a palawag ni Miss Amira Wao iti gobierno lokal ditoy ciudad ti Laoag kalpasan nga adda dagiti reklamo no apay a mapan agsunsundo dagiti nasao nga empleado idi baet a naka-quarantine dagitoy.
Inbatad na a dagiti walo nga empleado ti CDRRMO ket agdama a naka-quarantine da iti maysa nga hotel ditoy ciudad.
Segun ken ni Wao, nag-quarantine dagiti pito pay nga empleado iti hotel tapno maprotehiran ti pamilya da kangrunaan na ket isuda ti sumangsango ken mapan agsunsundo iti border control.
