LAOAG CITY – Maysa laeng a kameng ti Bureau of Fire Protection (BFP) ditoy probinsya ti saan pay a nabakunaan kontra iti covid-19.
Daytoy ti inpakaammo ni Provincial Firemarshall Roxanne Parado.
Inlawlawag ni Parado a ti kadwa da a saan pay a nabakunaan ket maipagarop a maipawil iti relihiyon da ti agpabakuna.
Nupay kasta, inpetteng ni Parado a gapu ta saan a kayat ti maseknan ti agpabakuna ket inkabil da iti Low risk Area ti covid partikular iti ili ti Nueva Era.
Malaksid iti daytoy, masapol a dumalan iti RT-PCR test ti maseknan iti kada dua a lawas, ngem no saan nga agtungpal ket mabalin a pilaan da ti kaso administratibo.
