LAOAG CITY – Inpannakkel ti Department of Agriculture (DA) a maysa laeng a probinsia manipud iti 82 ditoy pagilian ti awan pay ti P20/kg a bagas.
Segun kenni Agriculture Secretary Francisco Tiu Laurel Jr., ti Tawi-Tawi ti maudi a probinsia ken isu ti panangiyuswatan da iti nadakamat a programa kadagiti sumarsaruno nga aldaw.
Inbatad na nga adda 427 a lugar iti intero a pagilian nga aglaklako iti P20 kada kilo a bagas.
Dumanon iti 1.2 milion a tattao ti nabenepisiaran iti pannakaisayangkat ti nadakamat a programa.
Naartaan na ti target a 136 sites iti 13 a probinsia idi nairugi ti programa idi bulan ti Mayo.
Plano ti Department of Agriculture ti mairugi ti P20/kg. bagas idiay Tawi-Tawi intono Disiembre.
