LAOAG CITY – Saanen a naidanon pay a sibibiag ti maysa a lakay iti Rural Health Unit (RHU) ti ili a Solsona kalpasan a nagpakamatay babaen iti panagbekkel.
Nabigbig ti biktima a ni Julio Asuncion y Domingo, agtawen ti 66, naasawaan, mannalon ken residente iti Sitio Cabaruan, Bgy. Mariquet ti nasao nga ili.
Segun ti asawa ti biktima a ni Lourdes Asuncion, nagpakada itay parbangon ti asawa a mapan na pakanen dagiti taraken da a dingguen ngem nakigtot laengen itay agarup alas 5 itay met la parbangon a nakabitinen iti balatbat ti kusina ti balayda da babaen ti tali a nylone.
Inakarigatan ni Lourdes a putden ti tali babaen ti buneng ngem saan na a nakabaelan ti nanggputed rason a pinukkawan na da Erwin Baguio ken Willy Baguio a kaaruba na.
Segun ken ni Dr. Remelie B Paguirigan, Municipal Health Officer ti nasao nga ili, natayen ti biktima idi maitaray iti nasao a center.
Saan nga ammo ti asawa ti biktima no ania ti rason a nagpakamatayan ti asawa na.
Agtultuloy ti imbestigasyon ti nasao a pasamak.
