LAOAG CITY – Nabirukan ti bangkay ti maysa a lakay iti uneg ti pagtaengan na idiay Barangay Imelda iti ili ti Marcos, Ilocos Norte.
Nabigbig daytoy a ni Bernardino Gabutero, agtawen ti 66, ken residente iti nasao a barangay.
Segun kenni Police Senior Inspector Jonvale Maramag, chief of police ti PNP-Marcos, mismo a ti anak ni Gabutero ti nakakita iti ama kalpasan a simrek iti balay gapo ta saan pay a rimwar manipud itay bigat.
Inbatad na ti bangkay ket nakita a nakadasay iti abay ti katre ti biktima.
Kunana a nagkedked met ti pamilya ti biktima a dumalan iti otopsiya ti bangkay.
Naamoan a ni Gabutero ket agmaymaysan nga agnanaed iti balay na.
Awan met ti makitkita ti PNP a foul play ti pannakatay ni Gabutero.
