LAOAG CITY – Awan ti makita a “foul play” ti PNP-Currimao iti pannakabirok a maysan a bangkay ti maysa a lakay iti Brgy, Tapao-Tigue ti nasao nga ili.
Binigbig ni P/S/insp. Christian Felix, Hepe ti Pulisya ti nasao nga ili ti natay a ni Rosendo Bal y Lacsa, agtawen ti 78, separado ken residnete ti nasao a barangay.
Segun ken ni Felix, mismo a ti agnagan iti Amado Bal y Madriaga, agtawen ti 48, naasawaan kaanakan ti natay iti nakakita kenkuana a natayen daytoy iti pagigiyanan na a kubokubo.
Kuna na nga agmaymaysan nga agbibiag ti lakay ken mapapati a ti rason ti nakatayan na ket gapu iti makunkuna a “natural death” gapu ta awan met ti nakana a sakit na malaksid iti Community Acquired Pneumonia.
Inbatad na nga iti panangamiris ni Dra. Ma. Christina J. Pingao, Municipal Health Officer ti bangkay ket awan dagiti nakita na nga aniaman a sugat ken mapapati nga adda 10 nga oras a natay sakbay a nakita.
Innayon ti opisyal nga agkedked ti pamilya a maipadalan ti autopsy ti bangkay.
