LAOAG CITY – Saanen a naidanon pay a sibibiag iti hospital ti maysa a lakay idiay ili ti Badoc kalpasan a napaltupaltugan.
Nabigbig ti bikitima a ni Pancho Dagdagan, agtawen ti 56, awanan asawa ken residente iti Bgy. Sta Cruz Sur iti nasao nga ili.
Segun ken P/Insp. Nolie Alejandro Deputy of Chief Of Police ti PNP Badoc, nagsagaba ti tama ti paltog kadagiti nagduduma a paset ti bagi na.
Kuna na a mapapati nga armalite ti nausar a paltog iti nasao a krimen basar kadagiti uppat a kapsula ti nadakamat a klase ti paltog a nabirukan iti nakapasamakan ti krimen iti mismo a pagtaenga na.
Dukduktalen da pay laeng no ania ti motibo ti nasao nga insidente iti rason a ni biktima ket maysa a mannalon ken agpapautang.