LAOAG CITY – Dead on Arrival ti maysa a lakay iti ili a Badoc kalpasan a naitaray iti ospital.
Nabigbig ti lakay a ni Plegonte Pagala, agtawen ti 64 ken residente ti Bgy. Labut iti ili ti Badoc.
Segun ti PNP Badoc, idi nakita ni Pagala a maur-uram ti pugon a paglutlutuan na ti tabako, dagus a nagtaray tapno salbaren na ngem naigalis ken timmama ti ulo na iti water pump a poon iti nakapukawan ti poot na.
Intaray da nga immuna iti Rural Health Unit iti nasao nga ili ngem dagus nga inyakar da iti Corpuz Clinic and Hospital iti ili ti Sinait, Ilocos Sur ngem naideklara a dead on arrival.
Umab-abot iti 35,000 a pisos ti balur dagiti nauram a bulong ti tabako pakairamanan ti paset ti pugon.
Saan pay a madeterminar no kasano a nauram ti pugon ngem mapapati a naggapu met laeng iti paglutlutuan.
