LAOAG CITY – Natay ti maysa a lalaki kalpasan a nalmes iti Paoay Lake idiay Paoay, Ilocos Norte.
Nabigbig ti biktima a ni Christoper Lubong, agtawen ti 28, baro, mannalon ken residente ti Barangay 13 iti ciudad ti Batac.
Segun ti kasinsin ti biktima a ni Joel Ebidiente, nagturong da iti Barangay Nanguyudan iti ili a Paoay tapno mapan da makiraep.
Inlawlawag na a nagpakada ti biktima a mapan agdigos ngem nagbalaw idi ipakaammo dagiti kakadwa da a saan pay limmung-aw kalpasan a bimmatok ti danom.
Inbatad na nga idi mapan na batuken ket nakita na iti uneg ti danom ti biktima isut gapu na nagdardaras a nangiyaon.
Ginandat da nga isalakan ti biktima ngem napaay da gapu ta maipagarop a timmangkenen daytoy.
Inadmitir ni Ebidiente a nakainom da ti arak sakbay a napan nagdigos ti nasao a biktima.
