LAOAG CITY – Maysa nga ama ti nagturong iti Bombo Radyo tapno idanun na ti pannakadangran na kalpasan a naakusaran a daytoy ti nagpuur.
Iti palawag ni Mr. Danilo Arellano, taga Barangay 1, San Nicolas, Ilocos Norte, bayat ti panagal-ala na kadagiti nateng na iti karayan iti ciudad ti Laoag ket adda ti napasamak nga uram iti likudan na ngem adayo iti ayan na.
Kuna na nga adda met ti maysa a babai a nairana a limmabas ket isuna ti intudo na a nagpuur.
Inpetteng ni Arellano nga awan ti ammo na ti napasamak nga uram ti lugar ken adda pay dagiti mula na a nateng nairaman a mula na ti napasamak nga uram.
Innayon na nga adda dagiti napan nagipulong ti kapitan ti nasao a barangay ken iti papanna koma panaglako kadagiti nateng na ket isu metten ti isasangpet dagiti uppat a nangdangran kenkuana.
Binigbig na dagitoy a da Michael Nieto, Noel Vidad Jr., Mark Russel Pascual ken ti maysa ket saanna nga am-ammo, agpapada dagitoy a residente iti Barangay 51-A, Nangalisan ti ciudad ti Laoag.
Inpasingked ni Arellano a pursigido a mangireklamo kadagiti nangdangran kenkuana.
