LAOAG CITY – Dagus a naitaray iti Karmelli Hospital ti maysa a lalaki kalpasan a pinaltogan dagiti saan pay a nabigbig a suspek idiay Barangay Capangdangan idiay ili ti Pinili.
Nabigbig ti biktima a ni Jason Rondal, agtawen ti 27, awanan ti asawa ken residente iti Barangay Napu, iti ili ti Badoc.
Iti insyal nga imbestigasyon dagiti otoridad, kabayatan nga agpabagatan a direksyon ti biktima a nakalugan ti motorsiklo ket ditoy a pinaltogan ti dagiti suspek.
Saan met pay a naestablisar no anya a paltog ti nausar iti nasao a krimen ngem adda ti maysa a kapsula a narekobre dagiti otoridad.
Agpapan ita ket saan pay a madeterminar no anya ti motibo ti pammaltog.
