LAOAG CITY – Natay ti maysa a lalaki kalpasan a nadesgrasya iti barangay road iti Barangay Pila ditoy ciudad ti Laoag.
Nabigbig ti biktima a ni Jerry Pascual, addaan iti umno a tawen, naasawaan ken residente met laeng iti nasao a barangay.
Iti inisyal nga imbestigasyon, bayat nga agpadpadaya a direksyon ti biktima a nakalugan ti motorsiklo ket maipagarop a napukawan ti kontrol iti manibela a nangitunda ti pannakadesgrasya na.
Naitaray ti biktima iti nasao nga ospital ngem naideklara a dead on arrival gapu kadagiti sinagaba na a nakana a sugsugat.
Agtultuloy pay laeng iti imbestigasyon dagiti otoridad mainaig ti nasao nga insidente.
