LAOAG CITY – Dead on arrival ti maysa a lalaki a biktima ti desgrasya idiay Barangay Tanap, iti ili ti Burgos, Ilocos Norte.
Nabigbig ti biktima a ni Leonard Aleta y Liwanag, agtawen ti 21, awanan ti asawa, maysa a laborer ken residente iti Barangay Caunayan iti ili ti Pagudpud.
Segun kenni Police Senior Inspector Edward Santos, chief of police ti PNP-Burgos, agtrab-trabaho ti biktima iti maar-aramid a kalsada iti nasao nga ili ken naggi-inom da.
Inlawlawag na a kalpasan ti panaggi-inomda ket rimwar ni Aleta ken idi agsublin iti barracks da ket napasamak ti insidente.
Inbatad na a dagiti mabalin a rason ti nakatayan ni Aleta ket gapo ta awan ti suot na a helmet ken iti nagdiswan na kalpasan ti desgrasya ket danom isut gapo na nga adda ti posibilidad na a nalmes.
Kunana nga idi iyuswat da ti first aid iti biktima ket danom ti rumwar iti agong na.
Immuna iti daytoy, naipadanon kadakuada ti insidente babaen ti panagreport ti maysa a barangay official.
