LAOAG CITY – Natay ti maysa a lalaki kalpasan ti panagdinnungpar ti dua a motorsiklo idiay Barangay 2, San Andres iti ili ti Bacarra.
Nabigbig ti biktima a ni Jupiter Borromeo y Baila, agtawen ti 24, naasawaan ken residente iti Barangay 13, Naglicoan iti ili ti Pasuquin.
Iti inisyal nga imbestigasyon ti PNP-Bacarra, bayat nga agpalaod a direksyon ni Borromeo ket nakadinnungpar ti agpaabagatan a direksyon a ni Santos Galanza y Galere, agtawen ti 35, mangisursuro ken residente iti Barangay 2 iti nasao nga ili.
Gapo iti daytoy, naidungpar pay n Borromeo ti sementado nga alad ti agnagan ti Albert Pascual.
Dagus a naitaray ti biktima iti Bacarra Medical Center ngem naideklara a dead on arrival idinto a ni Galanza ket nagsagaba ti minor injuries.
