LAOAG CITY – Inbatad ni Police Chief Inspector Rodelio Santos, hepe ti PNP-Batac a nakatiliw da ti newly identified drug personality babaen ti naiyuswat nga entrapment drug buy bust operations idiay Brgy. 14, Bungon idiay ciudad ti Batac.
Binigbig na daytoy a ni Romelyn Alcantara y dela Cruz, a.k.a pugak, awanan ti asawa, awanan ti trabaho, deportee manipud idiay Amerika ken residente iti nasao a barangay.
Segun kenni Santos, agarop dua a lawas da a minonitor ni Alcantara kalpasan ti report a dimmanon iti PNP-Batac.
Nakumpiskar dagiti otoridad manipud iti suspek dagiti uppat a plastic sachet a naglaon ti maipagarop a shabu, 500 a pisos, maysa a cellphone ken motorsiklo.
Natiliw ti suspek babaen ti nagpammarang a police pusuer buyer.
Inbatad ni Santos nga idi kangitingitan ti panagsusuko idi Hulyo 2016 ket inallukoy dagiti opisyal ti barangay a sumuko ngem nagpukaw.
Paset ti panagsarita ni Police Chief Inspector Rodelio Santos, hepe ti PNP-Batac
