LAOAG CITY – Agtultuloy a maag-agasan iti Gov. Roque Ablan Senior Memorial Hospital ti maysa a lalaki kalpasan a pinang-ur a mismo ti kaanakan na iti paset ti Barangay Catangraran iti ili ti Solsona.
Nabigbig ti biktima a ni Jesie dela Cruz a residente iti nasao a lugar.
Segun kenni Police Senior Inspector Chris Anthony Sorsano, chief of police ti PNP-Solsona, nagsinnungbat Jesie ken ti kabsat na a ni Jimmy dela Cruz.
Inbatad na nga idi nakaawiden ni Jessie ket maipagarop a dimmarop ni Jimmy ken dagiti annak na a da Joseph ken Michael.
Kunana a basar ti palawag dagiti witness ket binakal da Jimmy ken Michael ti bato ti biktima a nakatamaan ti ulo ken bagi ni Jessie ken bayat a naka-iddan daytoy ket maipagarop a minalo ni Joseph.
Dagus met a naitaray ti biktima it Rural Health Unit (RHU) kalpasan a naawanan ti puut ngem naiyakar iti ospital ditoy ciudad ti Laoag.
Patyen ni Sorsano a ti rason ti pasamak ket riri iti pamilya ken nabayagen nga adda ti saan a panagkinnaawatan ni Jessie ken Jimmy.
Kabayatanna, agtultuloy met a birbiruken dagiti otoridad dagiti nasao a suspek.
