LAOAG CITY – Naladingit ni Federico Borja, maysa a mangalap, kalpasan a nalmes ti manugang na a ni Federico Pascua Sr., agtawen ti 56 ken residdente iti Brgy. 32-C Lapaz ditoy siudad ti Laoag
Segun kenni Borja, napan da nagkalap iti oras ti alas 9:00 ti bigat ken nagpatingga da iti alas 4:00 ti malem idi kalman.
Kuna na nga walo da a nagkakadua a nagkalap iti karayan idinto a nakisina ni Pascua ken napan iti kaadduan dagiti water lily a batog ti maysa a resort.
Inbatad ni Borja a sinarak da ti manugang na kalpasan a nadlaw na nga awan daytoy,
Nakita da lattan a nalmes daytoy iti nagturungan ti biktima.
Naamuan nga nagiinom da bayat ti panagkalap da ken nakaibus da ti maysa a bote ti nasanger.
Mamati ni Borja a saan a ti kinabartek iti nakatayan ti manugang na ngem ketdi posible a nakagat ti uleg gapu ta dati nga adda ti naala da nga uleg iti lugar a paset ti karayan a nagturongan na.
