LAOAG CITY– Tiniliw dagiti otoridad ti maysa a mangngalap kalpasan a naalaan ti lima a kilo ti karne ti pawikan iti Pagudpud, Ilocos Norte.
Nabigbig daytoy a ni Ferdinand Idioris, agtawen ti 50 ken residente iti Brgy. Poblacion 1 iti nasao nga ili.
Segun kenni Police Senior Inspector Eduardo Santos, hepe ti PNP Pagudpud, maipagarop a nakibingay ni Idioris kadagiti kakadua na.
Nupay kasta, iti panagresponde dagiti otoridad iti lugar ket nagbibingayan da Idioris ti karne ti pawikan ngem awannen dagiti kakaddua na rason nga isuna laeng ti natiliw.
Innayon ni Santos a malaksid iti nakumpiskar a karne ket narekobre da pay dagiti kagamitan para ti panagkalap.
