LAOAG CITY – Nagbakong ti maysa a mannalon babaen ti pada na met laeng a mannalon idiay Barangay 13, Calambeg iti ili ti Piddig.
Nabigbig ti suspek a ni Bobby Domingo y Calsada, agtawen ti 37, awanan ti asawa idinto a ti suspek ket ni Federico Matute y Lorenzo alyas Boy, agtawen ti 66, naasaawan, agpada a residente iti nasao a barangay.
Segun ti imbestigasyon ti PNP-Piddig, aggi-inom ti biktima ken suspek ken ti agnagan ti Quirino Lorenzo, agtawen ti 66, idi ta naaddaan da ti saan a panagkinnaawatan.
Gapo iti daytoy, nangasot ti suspek ti kutsilyo nga agatiddog ti 17 a pulgada ket binagkong na ti akin-kannigid a siket ti biktima.
Naitaray ti biktima iti Piddig District Hospital ngem naiyakar iti Gov. Roque Ablan Senior Memorial Hospital ditoy ciudad ti Laoag.
Natiliw met ti suspek ken adda iti kustudiyar ti PNP-Solsona ken manamnama a mapilaan ti kaso a frustrated homicide.
