LAOAG CITY – Saanen nga immabot iti ospital ti maysa a mannalon kalpasan a nadungpar ti van iti nagluganan na a motorsiklo bayat ti panagmaneho na iti Barangay Nagsanga, Pasuquin, Ilocos Norte.
Nabigbig ti biktima a ni Jorge Villa, agtawen ti 39, naasawaan, maysa a mannalon ken residente ti Barangay Dadaeman.
Segun ti PNP, aksidente a nadungpar ni Villa a nakalugan ti motorsiklo ti van nga inturong ni Leslie Domingo, agtawen ti 42, naasawaan ken residente ti Brgy. Kilkiling, Claveria, Cagayan.
Naitaray ti biktima iti Bacarra Medical Center ken dagus a naiyakar iti Gov Roque Ablan Sr Memorial Hospital ngem naideklara a dead on arrival.
Agtultuloy ti mbestigasyon dagiti kameng ti PNP Pasuquin mainaig ti nasao nga aksidente.
