LAOAG CITY – Balligi a natiliw ti maysa a baro iti naiyuswat a drug buy bust operation idiay Brgy. 3 ditoy ciudad ti Laoag, partikular iti likod ti marcos stadium.
Ti baro ket agtawen ti 18, out of school ken residente iti Brgy. 23 ditoy ciudad ti Laoag.
Nagatang manipud kenkuana ti maysa a sachet a naglaon ti maipagarop a marijuana.
Malaksid iti daytoy, naala pay iti bulsa na ti nabalut ti papel a naglaon ti maipagarop a marijuana, cigarette paper foil nga addaan ti residue, 500 a piso kas marked money ken face mask.
Segun ti palawag ti baro, nabayagen nga agus-usar ti iligal a droga.
Inadmitir na a kukua na ti naala a papel ngem naglikudan na a kukua na ti maysa a sachet.
Kunana nga adda kakadua na a dua a naglugan iti maysa a motorsiklo ngem nakataray da.
Inbatad na a mangrugi da pay laeng nga agsusop ti maipagarup a marijuana.
