BOMBO LAOAG – Nagballigi dagiti otoridad iti inyuswat da a search warrant operation idiay Barangay 4, Marcos, Banna, Ilocos Norte.
Nabigbig ti subject ti operasyon a ni June Baldovino, agtawen iti 44, naasawaan, negosyante ken residente met laeng ti nasao a barangay.
Ti search warrant ken inparuk-at ni Presiding Hon. Judge Francisco Quilala iti RTC Branch 14 ditoy ciudad ti Laoag.
Nakumpiskar dagiti kameng ti PNP-Banna iti balay ni Baldovino iti 8 a pedaso a magazine iti M16 nga addaan iti 154 a live ammos, 43 a pedaso a bala iti kalibre 45 a paltog with 19 pcs empty cartriges, 3 a pedaso a bala ti cal. 40, 22 a pedaso a cal. 22, 11 a pedaso a bala ti cal. 9mm, 1 a bala ti cal. 38, 1 ammo box, bandolier, ken maysa a plastic bag.
Immuna ti daytoy, inbatad ni Police Senior Inspector Artemio Clemente, ti chief of police iti ili a Banna, adda dagiti maidandanun kadakuada nga impormasyon seknan ti panagik-ikot ni Baldovino ti paltog isut gapuna nga insayangkatan da ti operasyon.
Innayon ni Clemente nga isagsagana dan ti kaso a maipila kontra ken ni Baldivino.
