LAOAG CITY – Inpetteng ni Kamanggagawa party-list Rep. Eli San Fernando a ti P50 a nakaipangatoan ti sweldo dagiti mangmangged iti National Capital Region (NCR) ket barya laeng.
Inpaganetget na a ti kasapulan dagiti mangmangged ket ti legislated wage increase a P200 a pisos.
Kuna na a ti P50 a pisos ket saan a makatulong iti kasapulan dagiti mangmangged.
Mainaig iti daytoy, inbatad ti agpanpanday linteg a dagiti gakat a naipila iti umuna nga aldaw ti 20th Congress iti kamara de representantes ket gagem na ti pannakaikkat ti
regional wage rates, pannaipawil ti kontrakwalisasyon, ken ti pannakaipangato ti sweldo dagiti mangmangged iti intero a pagilian.
Innayon na a kalikagom da a mapaawan bileg ti Republic Act (RA) 6727 wenno Wage Rationalization Act gapu ta panawenen tapno mapukaw ti provincial rates ken maipatungpal ti uniform minimum wage iti Luzon, Visayas ken Mindanao.
