LAOAG CITY – Kinettel ti agtawen ti 18 nga estudyante ti bukod na a biag iti ili ti Pasuquin.
Segun ken ni Police Major Sheryl Guzman, ti chief of police iti ili ti Pasquin, iti isasangpet ti kabsat ti biktima ket nakita na daytoy a nakabitin iti pagaramidan da ti asin.
Inbatad ni Guzman nga apaman a naawat da ti report mainaig iti nasao a pasamak ket insgida da a napan nagresponde kadwa da ti Rural Health Unit ken Bureau of Fire Protection.
Naitaray ti biktima iti ospital ngem naideklarar a pimmusayen no sadinno a basar iti pannakaeksamen ti bangkay na ket naduktalan a maysan nga oras a natay sakbay a nakita ti kabsat na.
Inpakaammo ni Guzman nga iti panangiwayat da ti naun-uneg nga imbestigasyon ket naibaga ti pamilya ti biktima a nabagsak daytoy iti subject a Physical Education.
Innayon na a mamati ti pamilya ti biktima a possible a saanna a maawat ti pannakabagsak na isut gapuna a napanunot nan ti nangkettel ti bukodna a biag.
Kabayatanna, nagpalagip ti opisyal kadagiti agpaspasar ti depresyon ken dadduma a problema a masapol nga agkiddaw ti tulong kadagiti maseknan tapno maliklikan ti kastoy a pasamak.
