LAOAG CITY – Naarestar ti maysa nga idibidual gapu panaglabsing na iti Article 327 Criminal Case Numbers 37645, ken 37646 wenno Malicious Mischief ken panagsalungasing na iti Criminal Case No. 37647 iti Article 266 wenno Slight Physical Injuries and Maltreatment.
Ti akusado ket natiliw baaben ti panagtitinnulong dagiti kameng ti polisya ti Ilocos Norte Police Provincial Office.
Nabigbig ti suspek a nga agtawen ti 40, naasawaan, residente iti Purok 1, Calaocan, Bambang, Nueva Vizcaya ngem agnanaed iti Sitio 1, Brgy. 58, Casili ken Brgy. 01, San Lorenzo, ditoy ciudad ti Laoag.
Narestar ti suspek babaen ti bileg ti warrant of arrest nga inparuk-at ti Presiding Judge Khristy Ann Queja Cac-Rivera iti Municipal Trial Court Branch 1, ditoy ciudad ti Laoag a napetsaan ti Enero 25, 2024.
Mainaig iti daytoy ket narekomendaran ti suspek ti piyensa a 1,000 a pisos iti kada kaso a maipila kontra kenkuana nga umabot iti dagop a 3,000 a pisos.
Gapu iti panangpiyansa na ket temporaryo a nawaya-wayaan ti suspek.
