LAOAG CITY – Natiliw ti maysa nga indibidual kalpasan ti naisayangkat nga anti-illegal drug buy bust operation nga inyuswat dagiti otoridad iti paset ti Brgy. 20 ditoy ciudad ti Laoag.
Nabigbig ti suspek a ni Arlie Bingayen y Agustin, agtawen ti 55, residente iti Brgy. Buyon iti ili ti Bacarra, ngem agdama nga agnanaed iti Brgy. 20 iti nasao a ciudad, maysa a server iti maysa a carinderia, ken maibilang kas street level individual.
Nakumpiskar manipud iti suspek ti lima a sachet ti mapapati nga droga, ken 2,000 pesos a nagserbi kas drug buy bust money.
Nu pay kasta, naglikodan ti suspek a kukua na dagiti nakumpiskar kenkuana, ngem inpakaammu na a nagusar daytoy iti mapapati a shabu ngem nabayag a panawenen.
