LAOAG CITY – Kinumpirmaran ni Police Sr. Insp. Dionisio Baldiyo III, hepe ti PNP Burgos ti maiyur-uray a pannakaideklara nga drug cleared ti nasao nga ili.
Nupay kasta, inpasingked na nga agtultuloy ti panangsiput da kadagiti drug surenderer.
Segun kenni Baldiyo, umabot ti 67 dagiti drug surenderer iti nasao a lugar.
Mainaig iti daytoy, nagibasaran da ti setipikasyon ti Barangay Anti-Drug Abuse Council (BADAC), ken pannakaidalan dagiti drug surenderer iti Community Based Rehabilitation Program (CBRP) ken ti agtultuloy a monitoring.
Kabayatanna, inbatad ni Baldiyo nga no adda ti maduktalan nga iligal nga aktibidad mainaig ti iligal a druga ket agsubli nga affected barangay daytoy.
