LAOAG CITY – Nai-surender ti maysa nga illegal fishing paraphernalia wenno electro fishing device iti ili ti Adams.
Basar ken ni Philippine National Police – Adams Pol. Capt. Jhan Lay Apostol a balligi a na-surrender iti opisinada ti maysa a set ti nadakamat a device nga adda estimate value-na a P4,500.
Daytoy ket in-surrender ti maysa nga lalaki nga agtawen 39, awanan asawa, mangmangged ken residente ti Poblacion 3, Barangay Adams iti nadakamat nga ili.
Kas resulta, naiget ti panagkampaniada kontra iti illegal fishing ken agtultuloy a panagwaras ti imporasion mainaig iti linteg ken regulasion nga ipawil ti panagusar ti electro-fishing devices.
Mainaig iti daytoy, naipakaammo iti nadakamat nga indibidual dagiti legal a pannusa mainaig iti panagtagikua ken panagusar ti maipawil a ramit.
Gapu iti daytoy, boluntario a nagturong iti Adams Municipal Police Station ti nadakamay nga indibidual ken in-surrender ti nadakamat a device nga awan ti tignay ti pulis.
Kabayatanna, ti nai-surrender nga illegal fishing paraphernalia ket adda iti kustodiar iti Adams Municipal Police Station para iti kalintegan a disposition maiyataday iti agdama a pagalagadan, linteg ken pagannurotan.
