LAOAG CITY – Masentensyaan intono Agosto 26 ita a tawen ti maysa nga ilukana a nagtakaw ti 1.3 milyon a dolyar iti nagpaayan na a maysa a nursery kas maysa a bookeeper.
Nabigbig daytoy a ni Thelm Pascua Suyat, taga Ilocos Sur ngem agdama nga agnanaed idiay Maui.
Segun ti report, nagpaay ni Suyat kas bookeeper iti nasao a nursery nangrugi idi 2008 agingga ti 2016.
Nupasy kasta, temporaryo a nawaya-wayaan kalpasan a nakapagpiyansa iti 50 ribo a dolyar.
Malaksid ti daytoy, inbilin ti Korte ti panangisuko ni Suyat ti pasaporte na ken napawilan a sumrek ti trabaho nga adda ti pakainaigan ti panagiggem ti kwarta.
Iti agdama ket agtrabtrabaho ni Suyat iti maysa nga store idiay Maui.
Mainaig ti daytoy, inbatad ni Bombo International Correspondent Manny Pascua idiay Hawaii a basar kadagiti nakasarsarita na a Pilipino ket inbagbaga ni Suyat a saan a mabain iti inaramid na gapu ta ti pagsasao na ket ‘no agtakaw ket masapol a gulpi saan a saggabassit’.
Rumrumuar a ti tinakaw ni Suyat a dakkel a kantidad ket inbayad na ti credit cards ken ti tintinnagan da a balay idiay Hawaii.
