LAOAG CITY – Maysa nga ina ti nagpakamatay babaen ti panagbekkel na idiay Barangay Man-anteng, Solsona, Ilocos Norte.
Binigbig ni Police Chief Inspector Gerardo Antonio, ti chief of police iti ili a Solsona ti biktima a ni Rachel dela Cruz, agtawen 46, balo ken residente met laeng ti nasao a barangay.
Segun ken ni Antonio, mismo ti anak ni dela Cruz a ni Joshua, agtawen ti 24 ti nakakita ti bangkay ti ina na iti ruwat ti balay da.
Inlawlawag na a basar ken ni Joshua, ti laeng nadakdakamat ti ina na iti kallabes ket maipanggep dagiti kasapulan da iti uneg ti balay ken ti sumagmamano nga utang ti biktima.
Malaksid ti daytoy, naamoan a namindua a dimmalan ti psychiatric exam ti biktima iti kapatpatay ti asawa na, addan dua a tawen ti napalabas.
Inpasingked na nga iti panagimbestigar da ket awan ti nakita da a foul play ti pannakatay ti nasao a biktima.
Nupay kasta, kuna ni Antonio nga itultuloy da latta ti agimbestigar.
