LAOAG CITY – Dagus a nagpaawat ni Gov. Matthew Marcos Manotoc ti taripnong kalpasan ti kellaat a panagngato ti kaso ti covid-19 ditoy probinsya ken napagsasaritaan ti estratehiya nga isayangkat ti gobierno probinsyal.
Segun kenni Dr. Norman Rabago, ti covid-19 consultant ditoy probinsya, karaman kadagiti nagpagsasaritaan da ket ti pannakaipadalan ti swab test ti maysa a representante iti kada balay kadagiti apektado a barangay ditoy probinsya kangrunaan na iti ili ti Solsona, Pagudpud ken iti ciudad ti Batac.
Inlawlawag na nga idi kalman, nasuork a 300 nga indbidwal iti Barangay Capurictan, Laureta ken Bubuos iti ili ti Solsona ti naipadalanen ti swab testing ken maituloy intono bigat kadagiti nagduduma pay a barangay.
Karaman pay ditoy iti kaabay a barangay iti ili ti Solsona kas iti Barangay Sta. Maria iti ili ti Piddig ken dadduma pay.
Iti met ili ti Pagudpud, kuna ni Rabago a nasurok 100 nga indibidwal ti dimmalan iti swab test ken intono bigat ket maituloy iti Barangay Poblacion 1, Poblacion 2, Ligaya ken dagiti close contacts dagiti nagpositibo iti sakit.
Kunana nga iti met ciudad ti Batac, intono bigat a maiyuswat ti testing gapo ta agtultuloy pay laeng ti contact tracing ken iti agdama ket temporaryo a nakairikep ti CHO kalpasan a nagpsotibo iti virus ti maysa a nurse.
Malaksid iti daytoy, karaman pay kadagiti nagpasasaritaan ken ti plano a panag-hire ti contact tracers a katulungan dagiti tracers iti nagduduma nga ili ditoy probinsya a dagitoy met ti tumultulong ita kadagiti apektado nga ili ken ciudad.
Kabayatanna, a ti nangrugyan ti ado a kaso ditoy probinsya ket gapo kadagiti APOR a simmangpet a saanen a dimmalan iti quarantine.
Inbatad na nga iti ciudad ti Batac, adda ti maysa nga APOR a naggapo idiay Manila a nagatendar ti conference ken idi nagawid ket negatibo met ti antigen test na ngem saanen a nag-quarantine ken simrek iti patrabahoan na.
Kalpasan ti sumagmamano nga aldaw, naduktalan da nga adda ti kadwa ti maseknan a nagpositibo iti virus, ngem iti laksid a dagus a na-quarantine ti empleado ket naiyakaren kadagiti katrabaho na.
Iti met ili ti Solsona, nangrugi met ti ado a kaso iti maysa nga indibidwal a naggapo met laeng idiay Manila no sadinno ket negatibo met laeng iti antigen test ken nagpasken, ken kalpasan ti sumagmamano nga aldaw ket nagpositibo iti RT-PCR test.
Mainaig iti daytoy, kunana nga adda ti bileg ti kada lokal a gobierno ditoy probinsya no mai-quarantine dagiti sumangpet ken saan a mapukaw ti testing iti laksid a napalukayan dagiti protocols ditoy Ilocos Norte.
