LAOAG CITY – Natay ti maysa nga nakamotorsiklo kalpasan a nakadinnungpar na ti maysa a ten wheeler truck iti Brgy. 10 San Miguel iti ili ti Sarrat.
Binigbig ti Sarrat Municipal Police Station ti biktima a ni Mark Adrian Amper, agtaawen ti 23 ken residente iti Brgy. 13 San Pedro iti nasao nga ili, idinto a ti driver ti dump truck ket ni Ramon Curameng, agtawen ti 44 ken residente iti San Andres II iti ili ti Bacarra.
Basar iti inisyal nga imbestigasyon, agpa-amianan ti nakamotorsikko idi kellat nga immagaw daytoy iti linya a rason ti pannakadungpar na iti nasabat na a truck.
Gapu iti daytoy, nagsagaba ti biktima ti nakaro a sugat iti ulo na ken naitaray iti Dingras District Hospital ngem pimmusay bayat a matamtamning.
Kabayatanna, agtultuloy pay laeng ti naan-anay a nga imbestogasyon seknan iti daytoy.
