LAOAG CITY – Maysa nga indibidual ti kumpirmado a natay idinto 28 a sabsabali pay dagiti nagtalinaed a mapukpukaw kalpasan ti napasamak a landslide iti south-western China.
Ti napasamak a landslide iti Jinping village iti Sichuan province ket nakatabunan ti 10 a balay ken nakapupukan ti naruay a tattao.
Inbilin ni Chinese President Xi Jinping kadagiti otoridad nga aramiden da amin a kabaelan da tapno mabirukan ken maisalakan dagiti mapukpukaw.
Mangnamnama ti presidente a saanen a manayunan maysa a pimmusay gapu iti napasamak a landslide iti nadakamat a lugar.
Basar iti China Ministry of Emergency Management, ginasut nga emergency workers ti agtitinnulong nga agbiruk para kadagiti survivors.
Naamoan nga umabot met iti agarop 200 a tattao ti naibakwit kalpasan ti insidente.
