LAOAG CITY – Inkari ni District Engr. Ma. Venus Torio a nakasagana ti opisina na a mangimbestigar ti nagbalin nga alegasyon nga adda dagiti mapaspasamak a kick back iti pannakaipatungpal dagiti proyekto to DPWH first engineering district.
Maysa a maitudtudo kadagiti irregularidad ti DPWH ket ti naperdi a flood control project iti Barangay San Mateo kabayatan ti Bagyo Ompong.
Segun kenni Torio, bimmisita ti legal officer a ni Atty. Rimando manipud iti Regional Office ti DPWH ken ininspek na ti nasao a proyekto.
Gapo iti daytoy, kunana a nakasagana da nga agimbestigar iti maipagarop a kaadda ti maysa nga inhinyero iti DPWH first engineering district a daytoy krt agkik-kick back kadagiti proyekto ditoy probinsya partikular iti primero distrito.
