LAOAG CITY – Awan pay ti maestablisar ti PNP-Paoay a suspek iti pannaka-hold up ti maysa nga inhinyero.
Ti nadakamat a biktima ket agtawen ti 45, negosyante ken residente iti nadakamat nga ili.
Segun iti PNP-Paoay, nagreport ti biktima iti istasyon ti pulisya idi kalman ti parbangon no sadinno a napasamak daytoy bayat a nakalugan ti kurong-kurong a naggapo iti merkado publiko ti ciudad ti Batac.
Naamoan a kabayatan nga agawiden iti ili ti Paoay ket adda ti dua a lallaki a nakalugan ti motorsiklo ken ponagsardeng da ti biktima ken maipagarop a tinutukan da ti paltog.
Gapo iti daytoy, dagus nga inted ti biktima ti sling bag na a naglaon ti kwarta a 60 a ribo a pisos, ID ken dadduma pay.
Kalpasan ti panangiyawat ti biktima ti bag na kadagiti suspek ket dagus a naglibas dagiti saan pay a nabigbig a suspek.
Kabayatanna, agtultuloy ti imbestigasyon dagiti otoridad seknan iti daytoy a pasamak.
